3 Bed House in Potchefstroom Central

Uitstekende intrek en bly woning op die oewer van die Vaal Rivier

Hierdie uitstekende eiendom bestaan uit die volgende:

Oopplan kombuis en leefarea

3 Slaapkamers(elk met n rivier uitsig, balkon, dakwaaier, lugreëling) met 3 en-suite badkamer.

Privaat jetty en grasperk

Koop sluit in huisraad en linne

Die Huis:

Die superstructure en die res van die huis is van SABS goedgekeurde hout gebou met bekleding buite van sementvelsel Vermont bouplanke en binnemure n gladde pleister afwerking en duursame verf. Grondvloer en buite dek is van glans verseelde soliede rooi Ysterhout. Alle boumateriaal voldoen aan SABS en is deur die plaaslike raad goedgekeur. (230 vierkante meter).

Die Reservaat:

Die reservaat is uitstekend geleë in die hart van die Vredefort koepel wat as Wreld erfenis geklassifiseer is, en is uitstekende waarde toevoeging vir die natuur familie wat rustigheid, ontspanning in die bos wil geniet.

Die reservaat is geleë aan die Vaalrivier, stroomop vanaf Schoemansdrift, binne die Vredefort koepel. Die reservaat is pragtig geleë tussen die rante wat gevorm is deur die impak van die meteoriet met die Vaalrivier wat daar deur kronkel. Die reservaat is ongeveer 20 minute se ry vanaf Potchefstroom en Parys en een uur vanaf die Rand. Dit is n reservaat wat voorsiening maak vir agt -en dertig erwe met woonhuise waartoe die algemene publiek nie toegang het nie.

Verskeie fasiliteite is aangebring, naamlik elektrisiteit vanaf Eskom, water vanuit die boorgat en n n water suiwerings aanleg. Verdere fasiliteite is n swembad, boot sleephelling, visvang-jetties, wandelpaaie binne die reservaat, en nog vele meer.

Uitstekende geriewe vir visvang, roei, wandel en ontspanning in die natuur is beskikbaar. Die reservaat is ten volle omhein met 2.5 meter hoë wildsheining en verskeie spesies wild is op die terrein.

Toegang tot die reservaat is d.m.v afstandbeheerde elektriese hekke. Die reservaat het deur middel van n serwituut wandel regte van ongeveer 14 kilometer op die aangrensende wildsplaas.